रत्नपुरी (उत्तर प्रदेश)
रत्नपुरी (रौनाही, अयोध्या-लखनौ महामार्गावर अयोध्येपासून सुमारे २४ किमी) येथे इक्ष्वाकु वंशातील राजा भानू व राणी सुव्रता यांच्या पोटी पंधरावे तीर्थंकर भगवान धर्मनाथ यांचा जन्म झाला. गर्भावस्थेत राणीला धर्माचरणाची तीव्र इच्छा झाली होती, म्हणून बालकाचे नाव धर्मनाथ ठेवण्यात आले, अशी मान्यता आहे. येथे त्यांचे च्यवन, जन्म, तप व ज्ञान असे चार कल्याणक झाले असून मंदिर परिसराच्या चार कोपऱ्यांत या कल्याणकांची स्वतंत्र स्मारक मंदिरे उभारलेली आहेत. दिगंबर व श्वेतांबर या दोन्ही परंपरांची स्वतंत्र मंदिरे येथे आहेत.
रत्नपुरी हे नाव धर्मनाथांच्या जन्माच्या दोहद कथेशी निगडित असून प्राचीन काळापासून जैन यात्रेकरूंचे श्रद्धास्थान आहे.