शौर्यपुर (उत्तर प्रदेश)

यादव वंशाचा संस्थापक राजा शूरसेन याने वसवलेले शौर्यपुर (सध्याचे आग्र्याजवळील बटेश्वर) हे यमुना नदीकिनारी वसलेले प्राचीन नगर आहे. राजा समुद्रविजय व राणी शिवादेवी यांच्या पोटी येथे बाविसावे तीर्थंकर भगवान नेमिनाथ (अरिष्टनेमी) यांचा जन्म झाला - त्यांचे गर्भ व जन्म असे दोन कल्याणक येथे झाले.

कल्याणक + सिद्धक्षेत्र: एकाच वेळी कल्याणक क्षेत्र आणि सिद्धक्षेत्र असा दुर्मिळ योग शौर्यपुरात आढळतो - मुनी सुप्रतिष्ठ यांना येथे केवलज्ञान प्राप्त झाले, तर मुनी यम, धन्य व विमलसुत यांना येथून मोक्षप्राप्ती झाली. भगवान आदिनाथ, नेमिनाथ, पार्श्वनाथ व महावीर यांची समवसरणेही येथे आल्याची मान्यता आहे.