गुणभद्राचार्य

आचार्य गुणभद्र हे इ.स. नवव्या शतकातील दिगंबर आचार्य असून आचार्य जिनसेन (द्वितीय) व दशरथगुरू यांचे शिष्य होते. गुरू जिनसेनांनी आदिपुराण अपूर्ण ठेवून देह सोडल्यावर गुणभद्रांनी त्याची शेवटची पर्वे (४३–४७) पूर्ण केली आणि ६३ शलाकापुरुषांचे उर्वरित चरित्र 'उत्तरपुराण' रूपाने रचून 'महापुराण' पूर्ण केले. त्यांच्या शिष्य लोकसेनांनी बंकापूर येथे शक ८२० (इ.स. ८९८) मध्ये उत्तरपुराणाचा पूजामहोत्सव केल्याचा उल्लेख प्रशस्तीत आहे.

प्रमुख ग्रंथ: आदिपुराण (पर्व ४३–४७), उत्तरपुराण, आत्मानुशासन, जिनदत्तचरित.